बड़े खबर.. अजीत जाेगी नो हय आदिवासी, हाईपावर जांच कमेटी के रिपोर्ट

रायपुर। पूर्व मुख्यमंत्री अजीत जोगी के जाति मामले के जांच करत हे, वो हाईपावर कमेटी हा अपन रिपोर्ट तैयार कर ले हे। कमेटी हा अपन रिपोर्ट म अजीत जोगी ला आदिवासी नई माने हे।

ख् मिले हे कि आदिम जाति विभाग के सचिव डीडी सिंह के अध्यक्षता वाला हाईपावर कमेटी हा अजीत जोगी के सबो जाति प्रमाण पत्र ला निरस्त कर दे हे। कमेटी हा तय करे हे कि जोगी ला अनुसूचित जनजाति के लाभ के पात्रता नई होही।

हाईपावर कमेटी हा ‘छत्तीसगढ़ अनुसूचित जाति, अनुसूचित जनजाति और पिछड़ा वर्ग (सामाजिक प्रास्थिति के प्रमाणीकरण का विनियमन) नियम 2013’ के नियम 23 (3) अउ 24 (1) के प्रावधान मन के तहत कार्यवाही बर बिलासपुर कलेक्टर ला निर्देसित करे हे। उहें नियम 2013 के नियम 23(5) के प्रावधान मन के तहत उप पुलिस अधीक्षक ला प्रमाण-पत्र जब्त करे के निर्देस दे हे।