सीएम भूपेश बघेल के बड़का बयान, कहिन- कांग्रेस ल घलो अगोरा हे भाजपा के सीएम चेहरा के, छत्तीसगढ़ नई हे कोनों तीसर दल के प्रभाव
छत्तीसगढ़ भाजपा म अरुण साव ल सीएम प्रोजेक्ट करथे त कर के त देखे कांग्रेस ह घलो अगोरा करत हे कि भाजपा के मुख्यमंत्री के चेहरा कोन होही… छत्तीसगढ़ म तीसर दल के कोनों प्रभाव नई हे। इहां दू राष्ट्रीय दल म मुकाबला हे… ए गोठ ल आज मुख्यमंत्री भूपेश बघेल ह ओ बेरा म कहिन जब ओमन पाटन दऊरा ले पहिली हैलीपेड म मीडिया संग चरचा करत रिहिन। एकर संगे संग ओमन अऊ दूसर मुद्दा म बड़का बया बयान दे हे। का कहिन मुख्यमंत्री ह पढ़व…
भाजपा नेता अजय चंद्राकर के बयान ल लेके मुख्यमंत्री भूपेश बघेल ह पलटवार करत कहिन कि का ओमन.. (अजय चंद्राकर) ल चुनाव बर कोनों जिम्मेवारी दे गे हे… ? छत्तीसगढ़ म त ओम माथुर ह भाजपा के सबकुछ हो गे हे। जेन मेरा देख लो माथुर जी ह नजर आथे। मीडिया, ट्विटर म जम्मो जगह। भाजपा 2018 म हार गे रहिस अऊ ए चुनाव म घलो हारही। भाजपा ल सफलता नई मिल पाए।
मुख्यमंत्री बघेल ह गृहमंत्री अमित शाह के 22 जून के दुर्ग दौरा ल लेके कहिन कि ओ ह मोर गृह जिला के दौरा करे बर आवत हे त ओखर मन के स्वागत हे। चुनाव प्रचार अपन पार्टी बर करत हे ओहा घलो सुघ्घर बात आए। एमा कांग्रेस ल कोनों दिक्कत नई हे। भाजपा के बड़का नेता मन के दऊरा के कोनों असर नई पड़े।
भाजपा ल गांधी-नेहरू परिवार ले परेशानी
वीआईपी रोड के नामकरण म भाजपा के सवाल म मुख्यमंत्री बघेल ह कहिन कि भाजपा तीर कोनों मुद्दा नई हे। भाजपा के नेता मन गांधी के नांव ल एके संघरा उठ खड़े हो जाथे। छत्तीसगढ़ म त बस्तर ले लेके सरगुजा तक स्थानीय नेता मन के नांव हे। भाजपा ल गांधी-नेहरू परिवार ले परेशानी हे। राहुल गांधी के खिलाफ लाइन लगागे मोदी मंत्रिमंडल के सदस्य खड़े हो जाथे।
धर्मांतरण बर भाजपा केंद्र ले बना ले कानून
कर्नाटक म धर्मांतरण कानून म का बदलाव होवत हे एखर जानकारी मोला नई हे। छत्तीसगढ़ म मध्यप्रदेश के जेन कानून हे उही चलत हे। रमन सरकार म 2006 म धर्मांतरण बर बिल लाए गे रिहिस जेन ह राष्ट्रपति मेर लंबित हे। भाजपा अईसन मुद्दा म सिरिफ लोगन मन ल गुमराह करथे। भाजपा ल यदि कोनों कानून बनाना हे त केन्द्र सरकार ले बना ले अऊ जम्मो राज्य म लागू कर दे।
नशामुक्ति अभियान बदलाव बर एक उदिम
मणिपुर के हालात म मुख्यमंत्री ह कहिन कि पीएम मोदी अऊ गृहमंत्री शाह कर्नाटक चुनाव म व्यस्त रिहिन। बाद म गृहमंत्री 4 दिन तक उहां रिहिन फेर हालात सामान्य नई हो पाईस। एखर संग नशा मुक्ति अभियान बर ओमन कहिन कि एक बदलाव के, सकारात्मक वातावरण बनाए के उदिम करे जात हे।
