chhattisgarh : काली ले सुरू होवइया हे बिलासपुर ले नईदिल्ली उड़ान सेवा, सीएम भूपेश बघेल करही सुभारंभ, पढ़व

जय जोहार…. (chhattisgarh) एक मार्च ले बिलासपुर ले नईदिल्ली उड़ान सेवा सुरू होवइया हे। ए कार्यक्रम ह काली दोपहर 2.30 बजे बिलासा देवी केंवट हवाई अड्डा बिलासपुर म होही। एखर सुभारंभ ल सीएम भूपेश बघेल ह करही।

ए कार्यक्रम के अध्यक्षता ल केंद्रीय नागरिक उड्डयन मंत्री हरदीप सिंह पुरी ह करही। कार्यक्रम म सीएम श्री बघेल अऊ केंद्रीय नागरिक उड्डयन मंत्री श्री पुरी ह आनलाइन सामिल होही। बता देन कि (chhattisgarh) सीएम भूपेश बघेल के सरलघा प्रयास ले प्रदेश के बिलासपुर ह अब देश के राजधानी नईल्ली ले सीधा विमान सेवा ले जुड़ही।

(chhattisgarh) सोमवार ले सुरू होवत बिलासपुर-नईदिल्ली विमान सेवा म बिलासपुर ले दिल्ली बर 72 सीटर एयरक्राफ्ट के दू फ्लाइट सोमवार, बुधवार, शुक्रवार अऊ रविवार के संचालित होही।