Raipur म 60 ले जादा उम्र के लोगन मन ल ए स्थान म लगही कोरोना के टीका, पढ़व पूरा खबर

जय जोहार…. रायपुर (Raipur) म कोरोना के टीका लगाय जाही। एखर बार 60 ले जादा उम्र के लोगन मन ल नगर निगम के जोन 2,3 अऊ 5 म टीका लगाय जाही। टीका लगवाय बर लोगन मन ल जोन कार्यालय ले टोकन लेना होही।

जानकारी के मुताबिक रायपुर (Raipur) के जोन 2 म मेकाहारा, जोन 3 म जिला अस्पताल अऊ जोन 5 म आयुर्वेदिक अ्सपताल म कोरोना के टीका लगाय जाही। प्रशासन ह ए संबंध म आदेश जारी करे हे।

पहला दिन 120 लोगन मन ल कोरोना वैक्सीन लगाए जाही। (Raipur) 3 सरकारी समेत 5 निजी अस्पताल म वैक्सीन लगाय जाही। निजी अस्पताल म गंभीर बीमारी ले ग्रस्त 49 ले 59 साल के लोगन मन ल टीका ल लगवा सकही। निजी अस्पताल म टीकाकरण बर 250 रुपया शुल्क देना होही।