जय जोहार… (Raipur) सीएम भूपेश बघेल ह रविवार के बुधवारी बाजार, बिरगांव म आयोजित कार्यक्रम म क्षेत्र के लोगन मन ल 121करोड़ के लागत ले अलग-अलग कार्य के सौगात दे हे। जेमा बिरगांव आवर्धन जल प्रदाय योजना के उन्नयन कार्य बर 104 करोड़ 23 लाख, आडवाणी आर्लिकान शासकीय उच्चतर माध्यमिक विद्यालय बिरगांव के मुख्य द्वार के पास सौंदर्यीकरण बर 35 लाख रुपया सामिल हे।
एखर आलावा (Raipur) अधोसंरचना मद के अंतर्गत सबो वार्ड म जय प्रदाय व्यवस्था बर पीवीसी स्टोरेज टैंक अऊ अलग-अलग विकास कार्य बर 53 लाख 36 हजार, स्वच्छता कार्य बर ई-रिक्शा हेतु 1 करोड़ 48 लाख 35 हजार, अधोसंरचना मद अंतर्गत सीसी सड़क अऊ नाली निर्माण के 69 कार्य बर 9 करोड़ 47 लाख 48 हजार अऊ 14वां वित्त आयोग अंतर्गत सीसी सड़क अऊ नाली निर्माण के 42 कार्य बर 4 करोड़ 75 लाख 75 हजार के 83 कार्य सामिल हे।
ए दौरान (Raipur) सीएम बघेल ह क्षेत्रीय विधायक सत्यनारायण शर्मा के आग्रह म बिरगांव म जिला सहकारी बैंक के शाखा खोले के घोसना करिन। उहचे बिरगाव कालेज के नामकरण ल स्वर्गीय नंदकुमार पटेल के नाव ले करे जाये अऊ बिरगांव क्षेत्र म स्वामी आत्मानंद अंग्रेजी माध्यम स्कूल खोले के घोसना करिन।
No Comment! Be the first one.