भाजपा युवा मोर्चा FIR दर्ज कराइस… दोषी मन के खेलाफ कार्यवाही करे के मांग करिन

रायपुर। रायपुर के कोतवाली थाना म भाजपा युवा मोर्चा के कार्यकर्ता अउ संजय श्रीवास्तव पहुंचिन. उमन FIR दर्ज कर दोषी मन के खेलाफ कार्यवाही करे के मांग करिन। मामला सोशल मीडिया म वायरल विडियो के हे।

 प्रधानमंत्री नरेंद्र मोदी अउ पूर्व मंत्री बृजमोहन अग्रवाल के फोटो उपर कांग्रेसी मन ह आपत्तिजनक हरकत व अभद्रता अभद्रता करिन हे। ए आरोप भाजपा नेता राजेश पांडेय ह लगाइस हे।  उमन सिटी कोतवाली थाना म  लिखित सिकायत कर एफआईआर करे के मांग करिन हे। सिकायत म आरोप लगाइन के कांग्रेसी मन ह प्रधानमंत्री अउ पूर्व मंत्री के फोटो म विवादित टिप्पणी कर सोसल मीडिया म वायरल करिन हे।  वायरल वीडियो क घटना म कुछु पुलिस कर्मी उपस्थित हे।  अउ आरोपी मन ह ध्वनि विस्तारक यंत्र ले अभद्र टिप्पणी करत हे।  सिकायतकर्ता ह सवाल उठाइन के,  ए कार्यक्रम के अनुमति कउन दीस  अउ  घटना म उपस्थित पुलिसकर्मी मन ह  रोके के प्रयास काबर नइ करिन।  ए घटना ले भाजपा युवा मोर्चा के कार्यकर्ता देस के प्रधानमंत्री अउ अपन नेता मन के अपमान ले आक्रोसित हे।  आरोपी मन उपर एफआईआर कर कड़ी कार्रवाई करे जाए।