सिद्धू के पत्रकार वार्ता म भाजपा के पलटवार…कहिन – पाकिस्तान के एजेंट बनके घूमत हे सिद्धू
पाकिस्तान म पटाखे के आवाज नई आतंकी मन के चीखें सुनाई पड़ही : भाजपा
रायपुर.पूर्व मंत्री अउ वरिष्ठ विधायक बृजमोहन अग्रवाल ह पंजाब के मंत्री नवजोत सिंह सिद्धू के लगाए गे आरोप मन म करारा जवाब देवत हुए कहिन के, जेखर कोनो राजनीतिक दीन-धरम-ईमान नईए, जे दोस्ती ल देस ले ऊपर समझत हे, अइसे दोस्त कांग्रेस ल मुबारक हो.
श्री अग्रवाल ह कहिन के,येती-ओती के लफ्फाजी करत हुए विदूषक के भूमिका निभाइया सिद्धू के आघू जब पाकिस्तान के प्रधानमंत्री इमरान खान के कांग्रेस प्रायोजित पैंतरेबाजी म सवाल आइस त उमन मईदान छोड़के काबर भाग गिस.उमन बताय के इमरान ले अउ का-का डील होईस. श्री अग्रवाल ह कहा के, बछर भर पहिली सिद्धू के दोस्त इमरान कहत रिहिस के, मोदी जी ले बात नई करन, नवां सरकार ले बात करबो. अबअइसे का हो गे के, उमन घेरी-भेरी बात करे के फरियाद करत हवय.
बृजमोहन अग्रवालह कहिन के, भारत म फेर मोदी सरकार बनही, तब पाकिस्तान म पटाखा मन के जगा आतंकवादी मन के चीखें सुनाई पड़ही.अउ भारत म इमरान के खैरख्वाह विलाप करत नजर आही. उमन कहा के, मोदी जी के नेतृत्व म बढ़े भारत के ताकत ले पाकिस्तान जे तरह मिमिया वत हे. उंखर बानगी सिद्धू देख लें के पाकिस्तानी विदेश मंत्री शाह मोहम्मद कुरैशी कइसे दुनिया के आघू भारतीय हथियार मन के लेके रोना रोवत हे.
बृजमोहन ने कहिन के, सिद्धू दरअसल कांग्रेस के ये संदेश लेके अपन दोस्त इमरान के तीर पाकिस्तान जाथे के, प्रधानमंत्री नरेन्द्र मोदी ल हटाए अउ भाजपा ल हराए म हमार मदद करय. पहिली ये काम मणिशंकर अय्यर करत रहिस हे अउ लगत हे के अब ये ठेका सिद्धू ल देय गे हे. श्री अग्रवाल ह सवाल उठाइस के, जे देस के नइए, वो ह कखर हो सकत हे.
उमन कहिन के, कांग्रेस अपन दूत भेज- भेज के पाकिस्तान ले मदद मांगत हवय के मोदी ल हटाय जाय. अब त राजनीतिक स्वार्थ बर देश द्रोह ल संरक्षन दे के आमादा कांग्रेस के मानसिक गिरावट के हद पार करत हुये पाकिस्तान के प्रधानमंत्री इमरान खान के जरिये भारतीय लोकतंत्र के तिहार म दखल दिलाए के षड्यंत्र रचत हे.
बृजमोहन ह कहिन के, नई त इमरान खान कखर इशारा म ये कहत हे के मोदी दोबारा प्रधानमंत्री बनही त कश्मीर समस्या के समाधान हो सकत हे. कांग्रेस जे तरह इमरान के बयान के हवाला देवत हे. उंखर ले के, कांग्रेस ह इमरान खान ल अपन चुनावी रणनीति के साझेदार बना लेवय. अइसे लगत हे के नवजोत सिद्धू पाकिस्तान के एजेंट के तरह काम करत हवय.
