रायपुर. छत्तीसगढ़ के दंतेवाड़ा म बीजेपी विधायक भीमा मंडावी के हत्या मामला म पुलिस ल बड़का क्लू हाथ लगे के खबर हे. एक मीडिया रिपोर्ट म नक्सल कमांडर विनोद हुंगा ह ही विधायक भीमा मंडावी के हत्या के साजिस रचिस अउ ओला अंजाम दिस. 55 वर्षीय विनोद हुंगा नक्सली मन ह कटेकल्यान एरिया कमांडर हे, लेकिन पाछू दू महीना ले वो मालंगीर क्षेत्र म लगातार आना जाना करत रिहिस हे.
हिंदुस्तान टाइम्स म प्रकाशित खबर म 55 वर्षीय विनोद हुंगा छत्तीसगढ़ के दंतेवाड़ा म बीते मंगलवार के होय हमला के मास्टर माइंड हे. उंखर नेतृत्व म नक्सली मन ह घटना ल अंजाम देय, ये घटना म विधायक भीमा मंडावी, उंखर ड्राइवर अउ तीन पुलिसकर्मी मारे गिस हे.ये खबर म पुलिस सूत्र मन ले मिले जानकारी के हवाला देय गे हे. विनोद हुंगा उपर आठ लाख रुपिया के इनाम घोषित हे.
सूत्र मन के मुताबिक विनोद हुंगा ह करीब 60 नक्सली मन क मदद लेके हमला ल अंजाम देय हे. बताय जात हे के, पाछू दू दिन मन ले नक्सली अलग-अलग जगह मन ले मलंगीर एरिया कमेटी के क्षेत्र श्यामगिरि म इकट्ठा होत रिहिस हे, उंखर नेतृत्व विनोद हुंगा करत रिहिस हे..विधायक मंडावी के हत्या के साजिस ले अंजाम दे म विनोद के मदद उंखर करीबी देवा ह करिस. देवा नक्सली मन के कटे कल्याण एरिया कमेटी के सदस्य हे, लेकिन दू महीना ले मलंगीर एरिया म सक्रिय रिहिस हे. विनोद हुंगा ल दू साल पहिली मलंगीर क्षेत्र समिति के सचिव के रूप म पदोन्नत कर गिस हे.
Other Articles
लोकसभा चुनाव….‘मोदी-मोदी’ चिल्लाए म खुलही दरवाजा
