रायपुर. लोकसभा चुनाव के ऐन पहिली नक्सली मन ह बड़का हमला कर दंतेवाड़ा ल दहला दिस हे. नक्सली मन ह बीते मंगलवार के दंतेवाड़ा के श्यामगिरी म बीजेपी विधायक भीमा मंडावी के काफिला ल निशाना बनाइस.
विधायक के गाड़ी ल आईईडी ब्लास्ट कर नक्सला मन ह उड़ा दिस. ये हमला म बीजेपी विधायक भीमा मंडावी समेत उंखर ड्राइवर अउ तीन पीएसओ के मउत हो गिस हे. चुनाव ले ऐन पहिली विधायक के काफिला म हमले के बाद सुरक्षा बेवस्था ल लेके सवाल करे जात हे. संग ही ये बात के घलो पता लगाया जात हे के आखिर चूक कऊन मेर होइस?
अब तक के मीडिया रिपोर्ट म मंगलवार के भीमा मंडावी ह हमला ले पहुली करीब तीस मिनट तक श्यामगिरी के मेला म वक्त गुजारिस. आसंका जताय जात हे के, एक ही जगह म अतना समय गुजारे ले नक्सली मन ल एंबुश लगाए के मउका मिल गिस अउ उमन मेला ले वापिसी के दऊरान हमला के घटना ल अंजाम दिस. बताया जात हे के चुनाव प्रचार थमे के बाद भीमा मंडावी ह किरंदुल म बइठक लीस. येखर बाद श्यामगिरी के मेला म समय बिताइन.
