chhattisgarh: भाजपा सांसद मन ह केंद्रीय मंत्री नरेंद्र तोमर ले करिन मुलाकात, पढो पूरा खबर

जय जोहार…. (Chhattisgarh) भाजपा सांसद सुनील सोनी, अरुण साव, विजय बघेल, मोहन मंडावी अऊ गोमती साय ह केंद्रीय पंचायत अऊ ग्रामीण विकास मंत्री नरेंद्र सिंह तोमर ने मुलाकात करे हे।

ए अवसर म भाजपा सांसद मन ह कहिन कि केन्द्र सरकार ह ग्राम पंचायत के मूलभूत जरूरत ल पूर्ति बर वित्त राशि ल उपलब्ध करावत हे। (Chhattisgarh) लेकिन राज्य सरकार ह उक्त राशि ले घलो ग्राम पंचायत ल वंचित करत हे।

राज्य सरकार ह 14वें वित्त आयोग के राशि के उपयोग ल क्वारंटाइन सेन्टर अऊ गौठान म खर्च करे हे। सांसद मन ह मांग करे हे कि उक्त राशि ल राज्य सरकार ह वापस करे, ताकि ए राशि के उपयोग ल अपन मूलभूत जरूरत के पूर्ति बर खर्च कर सके।

(chhattisgarh) भाजपा सांसद मन ह कहिन कि छत्तीसगढ़ के गांव म विकास के जेन कार्य होवत हे, ओ हा केंद्र सरकार के तरफ ले स्वीकृत मनरेगा अऊ आन योजना के राशि ले होवत हे। राज्य सरकार के एमा एक रुपया के योगदान नई हे।

राज्य सरकार ह मनरेगा समेत आन केंद्रीय योजना के राशि म भारी अनियमितता कर अपन योजना के क्रियान्वयन म लगात हे। भारत सरकार के योजना के राशि के समुचित उपयोग सुनिश्चित करे जाना आवश्यक हे।