chhattisgarh: सांसद नेताम ह केन्द्रीय सड़क परिवहन अऊ राजमार्ग मंत्रालय ल लिखे हे पत्र, करिन ये मांग

जय जोहार…. (Chhattisgarh) राज्यसभा सांसद फूलोदेवी नेताम ह केन्द्रीय सड़क, परिवहन अऊ राजमार्ग मंत्रालय ल पत्र लिखे हे। ए पत्र म सांसद नेताम ह रायपुर ले बस्तर ल फोरलेन सड़क ले जोड़े जाए के मांग करे हे।

सांसद नेताम ह कहिन कि बस्तर संभाग छत्तीसगढ़ के अति पिछड़ा इलाका हे, जिहां ले रायपुर तक सिरिफ सड़क मार्ग ले जाय जा सकत हे। (Chhattisgarh) बस्तर संभाग के पिछड़ेपन म सबले प्रमुख कारण म ले यातायात के कम साधन ही हे। एखर ले इहां के पर्यटन के संभावना म ग्रहण लग गे हे।

(Chhattisgarh) केन्द्र सरकार ह बस्तर संभाग म यात्री परिवहन ल जादा देखत हुये सिंगल लेन के चौड़ीकरण अऊ उन्नयन के स्वीकृति दे हे, लेकिन बस्तर म फोरलेन के जरूरत हे। केन्द्रीय सड़क परिवहन अऊ राजमार्ग मंत्रालय ह भारत माला परियोजना के तहत रायपुर, विशाखापट्टनम एक्सप्रेस वे ल मंजूरी दे हे। ये एक्सप्रेस वे बस्तर संभाग के कांकेर अऊ कोंडागांव तक त आ गे हे। लेकिन एमा जगदलपुर-नगरनार मार्ग ल शामिल नई करे गे हे।