जय जोहार…. भारतीय जनता पार्टी (BJP) रायपुर जिला ह बठेना कांड म पीड़ित मन ल न्याय दिलाये बर आज एक दिवसीय धरना देही। ए धरना ह राजधानी रायपुर के बुढ़ातालाब धरना स्थल म दोपहर 1 बजे ले सुरू होही।
(BJP) भाजपा रायपुर शहर जिला अध्यक्ष श्रीचंद सुंदरानी ह कहिन कि लोक कल्याणकारी राज्य के अवधारणा म सुरक्षा घलो एकठन महत्वपूर्ण कारक हे, जेला पिछिले 25 महीना म प्रदेश के कांग्रेस सरकार ह लोगन मन ल दे म असमर्थ रिहिन। सरकारी प्रश्रय सती आज अपराधी खुलेआम पूरा प्रदेश म अपन मनमानी करत हे। आज प्रदेश म युवा, महिला, व्यापारी अऊ पत्रकार मन ल छोड़िये पुलिस वाला घलो खुद ल सुरक्षित महसूस नई करत हे। अईसे सरकार के विरुद्ध विरोध प्रदर्शन करे बर वो हा लोगन मन ल धरना स्थल पहुंचे के अपील करे हे।
(BJP) भाजपा जिला मीडिया प्रभारी अनुराग अग्रवाल ह बताईस कि प्रदेश नेतृत्व के आह्वान म आयोजित ए धरना कार्यक्रम म जिला अध्यक्ष श्रीचंद सुंदरानी, महामंत्री ओंकार बैस, रमेश सिंह ठाकुर के नेतृत्व म रायपुर म रहवइया सबो प्रदेश पदाधिकारी, मोर्चा अऊ प्रकोष्ठ के पदाधिकारी मंडल अध्यक्ष के संग सबो कार्यकर्ता उपस्थित रही।
No Comment! Be the first one.