BJP ह खेती-किसानी, धान खरीदी अऊ वादा पूरा करे के मांग ल ले के काली करही धरना प्रदर्शन

जय जोहार…. भारतीय जनता पार्टी (BJP) के प्रदेश इकाई ह काली दोपहर एक बजे ले चार बजे तक प्रदेश भर म खेती-किसानी, धान खरीदी अऊ किसान मन ले करे गे सबो वादा ल पूरा करे के मांग ल ले के ब्लाक स्तर म धरना-प्रदर्शन करही। एखर बाद एसडीएम ल मुख्यमंत्री के नाम ज्ञापन सौंपही।

भाजपा (BJP) के तत्वावदान म मंगलवार के आयोजित वेबिनार म ए विषय म भाजपा प्रदेश अध्यक्ष विष्णु देव साय ह सबो प्रमुख नेता, पदाधिकारी, सांसद अऊ विधायक मन ल चर्चा के बाद ये घोसना करिन।

वेबिनार म भाजपा (BJP) राष्ट्रीय उपाध्यक्ष व पूर्व मुख्यमंत्री डॉ. रमन सिंह, प्रदेश संगठन महामंत्री पवन साय, प्रदेश महामंत्री किरण देव, नारायण चंदेल अऊ भूपेंद्रसिंग सवन्नी, राज्य सभा संसद सदस्य डॉ. सरोज पांडेय अऊ रामविचार नेताम समेत सबो प्रदेश पदाधिकारी अऊ ज़िला अध्यक्ष मन ह शिरक़त करिन।