उरला म वेंकटेश्वर इस्पात म ब्लास्ट, झुलसे ले तीन मजदूर के हालत गंभीर

रायपुर। उरला म इतवार के बिहनिया एक इस्पात फेकटरी म धमाका होय ले, उंहा काम करत रिहिस 3 झन मजदूर म बुरी तरह ले झुलस गे। वो मन ल अस्पताल म भरती कराए गे हे, तीनों मजदूर मन के चेहरा अउ शरीर के कई हिस्सा ह झुलस गे हे।

जानकारी के मुताबिक उरला म वेंकटेश्वर इस्पात फेकटरी म पैनल म ब्लास्ट हो गे, जेखर आवाज ह बहुत दूर तक सुनई दिस हे। धमाका ले प्लांट म हड़कंप गे। आसपास के लोगन मन तुरंत एखर सूचना उरला थाना म दिस हे, ताहन मौका म पहुंच के पुलिस ह घायल मन ल बाहिर निकाल के पास के ही एक अस्पताल म इलाज बर भरती कराए गिन हे।