गोरा, उड़ीसा ले इन्हा आके करथे मेकअप , छत्तीसगढ़ी फिलिम म हे चर्चित नाम

जय जोहार रायपुर… छत्तीसगढ़ी सिनेमा म उड़ीसा के कलाकार मन के खासा दखल हे काबर कि ओमन के इंडस्ट्रीज स्थापित हे अऊ लगातार ऊंहा काम होत रहिथे , मेकअप के क्षेत्र म गोरा एक अइसे नाम आय जेन ल उड़ीसा के संगे संग छत्तीसगढ़ के निर्माता अऊ निर्देशक मन जानथे अऊ बला के काम देथे , गोरा के असली नाम तारिणी दुबे हे अऊ ये ह विगत पंद्रह साल ले मेकअप के कार्य करत हे,

गोरा अभी तक उड़ीसा अऊ छत्तीसगढ़ी के संग हिंदी फिलिम म घलो मेकअप करे हे, अभी गोरा ह छत्तीसगढ़ म हे अऊ एक फिलिम के शूटिंग म व्यस्त हे , बड़े बड़े कलाकार मन के मन माफिक मेकअप बर गोरा ल जाने जाथे, छत्तीसगढ़ी सिनेमा म सर्वश्रेष्ठ रूप सज्जाकार के अवार्ड भी गोरा ल मिल चुके हे , गोरा ह किहिस कि इन्हा आके काम करे म ओला अइसे नई लगे कि वो अपन राज्य ले बाहर आके काम करत हे काबर कि इन्हा के निर्माता निर्देशक मन ले ओला बहुत प्यार मिलथे.