माध्यमिक शिक्षा मंडल ह दसवीं अऊ बारहवीं के परीक्षा ल करिस स्थगित, नवा समय सारिणी ह बाद म होही घोसित
जय जोहार…. कोरोना वायरस के चलत लॉकडाउन के बीच छत्तीसगढ़ माध्यमिक शिक्षा मंडल ह हाईस्कूल अऊ हायर सेकेंडरी स्कूल के परीक्षा ल अवइया आदेश तक बर स्थगित कर दे हे। जारी आदेश म केहे गे हे कि लॉकडाउन बढ़ने के चलत चार ले अठ मई तक होवइया दसवीं-बारहवीं के परीक्षा नई होही। एखर बर आघू दोबारा आदेश निकाले जाही।
माध्यमिक शिक्षा मंडल के सचिव वीके गोयल ह बताइस कि पहले परीक्षा बर जारी समय सारिणी ल कोरोना वायरस के रोकथाम के मद्देनजर स्थगित करे गिस। जेखर संशोधित समय सारिणी जारी करत हुए चार मई ले आठ मई तक परीक्षा आयोजित करे के शासन के तरफ ले निर्णय ले गिस। राज्य भर म तीन मई तक लॉकडाउन के चलत शासन स्तर म निर्णय ले गे हे कि माध्यमिक शिक्षा मंडल के तरफ ले जारी संशोधित समय सारिणी हाईस्कूल अऊ हायर सेकेंडरी व्यावसायिक पाठ्यक्रम के शेष परीक्षा ल अवइया आदेश तक स्थगित करे जात हे। परीक्षा मन के नवा समय सारिणी बाद म घोसित करे जाही।
