जय जोहार…. (chhattisgarh) प्रदेस म कोरोना ले बचाव बर 18 बच्छर ले जादा के 65 प्रतिसत आबादी ल दूनों टीका लगाय जा चुके हे। उहें ए उमर वर्ग के 98 प्रतिसत मनखे मन ल पहलइया टीका लग गेहे। प्रदेस म 15 से 18 बच्छर के लईका मन के घलो टीकाकरण बड़ तेजी ले करे जावत हे।
(chhattisgarh) अब तक (9 जनवरी तक) ए आयु वर्ग के 46 प्रतिसत लईका मन ल कोरोना वैक्सीन का पहलइया टीका लगाय जा चुके हे। मुंगेली, धमतरी, राजनांदगांव, बेमेतरा, महासमुंद, बालोद, कांकेर, दुर्ग अउ गरियाबंद जिला म ए उमर वर्ग बर निर्धारित लक्ष्य के आधा ले जड़ा लईका मन ह कोरोना ले बचाव बर पहलइया टीका ल लगवा लेहे।
प्रदेस म पहलइया अउ दुसरइया दुनों खुराक ल मिलाके अब तक कुल तीन करोड़ 26 लाख 91 हजार 036 टीका लगाय गेहे। (chhattisgarh ) राज्य में 18 बच्छर ले जादा के एक करोड़ 92 लाख 29 हजार 213 मनखे मन ल कोरोना वैक्सीन का पहलइया टीका अउ एक करोड़ 27 लाख 11 हजार 629 ल दूनों टीका लगाय जा चुके हे। उहें 15 से 18 बच्छर उमर वर्ग के टीकाकरण के सुरुवात के बाद ले 3 जनवरी से 9 जनवरी तक सात लाख 50 हजार 194 लईका मन के टीकाकरण करे गेहे ।
No Comment! Be the first one.