वीडियो.. न्यायालय म तोड़े गिस पुरुष प्रसाधन , भगवा टाइल्स म बने रिहिस , धार्मिक भावना होवत रिहिस आहत

जय जोहार रायपुर.. कुछ दिन पहिली रायपुर कोर्ट म पुरुष प्रसाधन बनाय गे रिहिस जेखर रंग भगवा रिहिस , ठेकेदार के घोर लापरवाही के चलते धार्मिक भावना आहत होय के कारण वकील मन डीजे के अनुमति ले के ओला तोड़ दिस, रायपुर जिला अधिवक्ता संघ के अध्यक्ष के सामने वकील मन ये प्रसाधन स्थल ल तोडीस, बता दन कि वकील मन एला तोड़े बर धार्मिक भावना आहत होय के तर्क दिन, खैर जब ये प्रसाधन स्थल बनत रिहिस तभे देख के मना करना रिहिस लेकिन अब एला फिर से बनवाय ल पढ़ही, वकील मन किहीन कि एला दूसर रंग म पोतवाय जा सकत रिहिस लेकिन ये प्रसाधन स्थल भगवा रंग के टाइल्स ले बने हे तेखर सेती एला तोड़ना जरूरी होगे.