भटकत हे ग्रामीन मन, बृजमोहन अग्रवाल ह विधानसभा म उठाइस मुद्दा
रायपुर: छत्तीसगढ़ विधानसभा म प्रश्नकाल के दउरान आज पूर्व मंत्री अउ
रायपुर दक्षिन विधायक बृजमोहन अग्रवाल ह राजस्व विभाग के समस्या मन ले
संबंधित विसय ल रखिस.
राजस्व मंत्री जयसिंह अग्रवाल ले पूछिन, कतना उप
पंजीयक अउ पंजीयक स्थाई हे अउ कितना प्रभारी बने हवय. संगेच उंखर सवाल
रहिस हे के पंजीयन प्रक्रिया ल कंप्यूटरीकृत करे बर 10 महीना म 602 करोड़
रुपिया प्राप्त होए हे। ओखर बाद घलो कंप्यूटराइजेसन ने होवत हे.
रजिस्ट्रेसन के बाद स्वतः ही नामांतरन हो जाही, एखर प्रक्रिया पूरा नइ
हो पाए हे. बृजमोहन ह कहिन , राजस्व विभाग म प्रभारी के प्रथा खत्म करना
चाही. तहसीलदार प्रभारी बनके बइठे हे।
उंखर तीर फुरसत नइ रह., उंखर खुद
के ही काम बहुत जादा रहिथे. अइसे म ग्रामीन जन भटकत रहिथे. उंखर पंजीयन
म अनावश्यक विलंब होवत हे. ए परिस्थिति मन निरमित नइ होना चाही. प्रदेस म
स्थाई पंजीयक, उप पंजीयक के व्यवस्था जल्द करे जाना चाही.
Other Articles
