50 जवान मन के खोए के गुस्सा प्रदेस के किसान मन के चेहरा म दिखाई देवत हे
रायपुर। पुलवामा म होए आत्मघाती हमला म अपन 50 जवान मन के खोए के गुस्सा
प्रदेस के किसान मन के चेहरा म दिखाई देवत हे. मध्य प्रदेश के बाद अब
छत्तीसगढ़ के किसान मन ह दो टूक लहजा म पाकिस्तान ल टमाटर दे बर मना कर
दिस हे.
पाक ल टमाटर नइ देवन: किसान
पत्थलगांव के प्रगतिशील किसान सदाशिव पटेल ह कहिन, हमन अपन टमाटर सड़क मन
म फेंक देबो. जानवर मन ल खिला देबो. मुफ्त बांट देबो…मगर पाकिस्तान ल
बिल्कुल नइ देवन. राज्य म बढ़िया गुनवत्ता के टमाटर पत्थलगांव म पइदा
होवत हे.
देवलाल देवांगन ह तो सवाल सुनत ही गुस्सा म तमतमा गे, अउ सोझे
बात करे ले मना कर दिस। सवाल सुनत ही उंखर आंख मन म खून उतर आ गिस.
गुस्सा म हांफन लगिस देवलाल. सेवाराम पटेल हाथ जोड़त हुए कहिन,
सर…हमार फसल सड़ जाए मंजूर हे. मगर पाकिस्तान नइ जाही. कोनो भी कीमत म ।
छत्तीसगढ़ के किसान मन के देस प्रेम देख के एक बार तो उमन ल सैल्यूट करे
के मन होवत हे. हमन अपन ए किसान भाइ मन म गर्व हे.
कतना टमाटर जाथे पाकिस्तान
पुलवामा अटैक के बाद ले छत्तीसगढ़ ले पाकिस्तान टमाटर नइ जात हे. छत्तीसगढ़
ले रोज टमाटर ले भरे 15 गाड़ी मन दिल्ली ले होत हुए बाघा बार्डर कोती ले
पाकिस्तान पहुंचथे.
केंद्र सरकार के बाद अब छत्तीसगढ़ के व्यापारी मन के पहल ले लगभग 15 लाख रुपिया तक के टमाटर पाकिस्तान जाए ले रोक देय हे.
एखर ले पाकिस्तान म टमाटर 200 रुपिया किलो के दर म बिकत हवय. आवइया दिन
मन म उहां सब्जी मन के अउ किल्लत हो ही.
No Comment! Be the first one.