काबर बोलिस बृजमोहन -“सरकार अपन काम करत हे”

डॉ पुनीत गुप्ता के खेलाफ होत कार्रवाई म बोलिस पूर्व मंत्री ह
रायपुर. पूर्व मुख्यमंत्री डॉ रमन सिंह के दामाद पुनीत गुप्ता के खेलाफ भ्रष्टाचार के मामला म चलत कानूनी कार्रवाई म पूर्व मंत्री बृजमोहन अग्रवाल ह कहिन के, सरकार अपन काम करत हवय.

बृजमोहन के इस उत्तर के बाद जब पत्रकार मन ह पूछिस के, सरकार अपन काम करत हवय,लेकिन सही करत हे या गलत, ये प्रश्न म बृजमोहन अग्रवाल मुस्कुराए लगिन फेर कुछु नई कहिन. हालांकि बाद म जब कुछु अउ पत्रकार मन ह पुनीत गुप्ता मामला म बृजमोहन ले अउ सवाल पूछिन,त उमन कहिन के, जब लोग सक्षम नई होवय, तब दामाद म आथे.

बृजमोहन अग्रवाल एकात्म परिसर म प्रेस कांफ्रेंस लेवत रिहिन हे. ये दऊरान उमन कई मामला म भूपेश सरकार उपर निशाना साधिस. इहीं दउरान पत्रकार मन ले डॉ. पुनीत गुप्ता के मामला म बृजमोहन अग्रवाल ले कतको सवाल करे गिस लेकिन उमन कोनो के उत्तर नई दीस.

भूपेश सरकार गरीब विरोधी : बृजमोहन

अन्नपूर्णा दाल भात केन्द्र बंद होय के मामला म प्रतिक्रिया देवत हुए बृजमोहन अग्रवाल ह कहिन, प्रदेस के 105 अन्नपूर्णा दाल-भात केन्द्र के संचालन म बमुश्किल दस करोड़ रुपिया के खरच आथे, लेकिन राज्य सरकार ह केन्द्र सरकार के सर्कुलर के हवाला देवत हुए अन्नपूर्णा दाल भात केन्द्र मन के खाद्यान्न के सप्लाई बंद करे के आदेस जारी कर दिस. .येखर ले साफ हे के राज्य सरकार अन्नपूर्णा दाल भात केन्द्र मन म सस्ता दर म खाना खवईया गरीब मन के प्रति संवेदनशील नईए.ये रवैया दिखाथे के, राज्य सरकार गरीब लोग मन के हितैषी नईए.