बुलेट ट्रेन के पटरी बनही भिलाई म

रायपुर। केंद्रीय इस्पात मंत्री चौधरी बीरेंद्र सिंह ह कहिन के आज भारत के इस्पात उद्योग ह बुलंदी मन ल नित नवां ऊंचाई ल छूवत हे। ये ह प्रधानमंत्री के कुशल निर्देशन के देन हे। उमन के कहिना हे के हमन 260 मीटर लंबा पटरी ल बना के दुनिया म रिकार्ड कायम करे हन। प्लांट के विस्तारीकरण के बाद हमन बुलेट ट्रेन बर पटरी के निर्मान इहें करबो, येला आयात नइ करे जाही।
उमन कहिन कि भारत ह इस्पात उत्पादन म पहिली अमेरिका ल पीछु छोड़िस, फेर चार महीना पहिली जापान ल पीछु छोड़ के दुनिया म दूसर नंबर म आ गिस। आज हमन पहिली के तुलना म 134 फीसदी इस्पात दूसर देश मन ल निर्यात करत हन। अतना ही नइ देश म आयात होवइया 40 फीसदी इस्पात घलो कम होगे।