ग्रामीण बैंक म सेंधमारी, नई टूटिस लॉकर त ले भागिस सर्वर ल

गरियाबंद। देवभोग के अमलीपदर थाना इलाका के ग्रामीण बैंक म देर रात सेंधमारी के घटना आघू आए हे। दीवार ल खोद के अज्ञात चोर मन बैंक के अंदर घुसिस हे अउ बैंक ल लूटे के कोसिस करिस, फेर वोमन असफल होगे। पुलिस ल सीसीटीवी फुटेज म एक झन शख़्स दिखत हे जेमा उंखर चेहरा ह स्पष्ट नई हे।

जानकारी के मुताबिक बीते रात कुछ अज्ञात चोर मन बैंक ल लूटे के नियत ले अंदर प्रवेश करिस अउ बैंक म रखे लॉकर ल तोड़े के प्रयास करिस, फेर जब लॉकर नइ टूटिस त उंहा रखे सर्वर ल उठाके ले गे। अतिरिक्त पुलिस अधीक्षक सूखनंदन राठौर ह बतईन कि ये ह देर रात के घटना हरे। कुछ अज्ञात लोगन मन  सेंधमारी के घटना ल अंजाम दे हे। पुलिस ल सीसीटीवी म फुटेज मिले हंवय, ओखर आधार म जांच-पड़ताल चलत हे।