पुलिस विभाग म निरीक्षक अउ सूबेदार मन के ट्रांसफर, डीजीपी अवस्थी ह जारी करिन आदेश

रायपुर। पुलिस विभाग म निरीक्षक अउ सूबेदार मन के ट्रांसफर करे गिन हे। ट्रांसफर आदेश ल सोमवार के डीजीपी डीएम अवस्थी ह जारी करिन हे। संगे-संग ये पुलिसकर्मी मन ल तत्काल नवा पदस्थापना जगह म कार्यभार संभाले के घलो निर्देश दिन हे।

रक्षित निरीक्षक नीलकंठ वर्मा नक्सल ऑपरेशन जिला कांकेर ले जिला राजनांदगांव, विक्रम बघेल जिला कोरिया ले जिला कबीरधाम, भूपेन्द्र कुमार गुप्ता जिला राजनांदगांव ले बलौदाबाजार, जितेन्द्र कुमार चन्द्रा जिला कबीरधाम ले पीटीएस माना रायपुर, हेमंत टोप्पो जिला बलौदाबाजार ले रक्षित निरीक्षक यातायात बिलासपुर अउ सूबेदार अनीष सारथी जिला बीजापुर ले जिला दुर्ग म पदस्थापना करे गिन हे।