बलरामपुर। जिला म बुधवार देर रात सड़क हादसा हो गे । इहां नदी पार करत एक यात्री बस पुल ले गिरगे। ये हादसाम 6 लोगन ल चोट आइस हे। घायल मन म एक झव ल बेहतर इलाज बर अम्बिकापुर अस्पताल म रेफर करे गिस हे। घायल मन के इलाज करे जात हे ।
मिले जानकारी म अम्बिकापुर ले महावीर गंज जात बस दुरघटना के शिकार होगे। उड़ो नदी के पुल पार करत बेरा म ये हादसा होइइश हे। मामला म रामानुजगंज थाना पुलिस ह जांच सुरू कर दीस हे। दुरघटना के कारन मन के पता लगाय जात हे। येखर संग हादसा म घायल मन के परिजन मन ल घलो सूचना दे गेहे। नदी म गिरे बस ल निकालने के प्रयास प्रसासन ह करत हे। ये हादस म राहत के बात ये रहिस के येमा कोनो जनहानि नइ होइस ।
