जय जोहार…. गोवा म फंसे छत्तीसगढ़ के सुकमा जिला के मजदूर मन बर राहत भरे खबर हे। ए मजदूर मन ल लाय बर राजधानी रायपुर ले 4 बस ल मंत्री कवासी लखमा ह हरी झंडी दिखा के रवाना करिन। जेन बस ल गोवा बर रवाना करे गे हे। ओखर खर्च ल सुकमा के कांग्रेसी कार्यकर्ता ह वहन करही।
आबकारी मंत्री कवासी लखमा ह बताइस कि ए मजदूर मन ल लाय बर राज्य सरकार ले अनुमति ह मिल गे हे। सुकमा जिला के मोर विधानसभा के 165 मजदूर ह फंसे हे। ओ मन ल ले बर इहां ले चार बस ल रवाना करे गे हे। राज्य सरकार ले एखर अनुमति मिले हे। बस के खर्च ल सुकमा के हमर मन के कार्यकर्ता ह मिल के वहन करही। वो हा कहिन कि कांग्रेस ही एक अइसे पार्टी हे, जेन ह मजदूर मन के ख्याल रखत हे। जिहां-जिहां मजदूर फंसे हे। ओ मन ल लाय के परयास सरलघा करत हे।
No Comment! Be the first one.