जय जोहार…. (jagdalpur) राष्ट्रीय सड़क सुरक्षा माह के दूसर दिन मंगलवार के जगदलपुर म एसपी दीपक झा के निर्देशन अऊ अतिरिक्त पुलिस अधीक्षक ओमप्रकाश शर्मा, उप पुलिस अधीक्षक यातायात पंकज ठाकुर के मार्गदर्शन म सड़क सुरक्षा के प्रति लोगन मन ल जागरूक करे बर शहर म मुहिम चलाय गिस।
जेखर तहत ये दिवस के (jagdalpur) सुभारंभ ल दंतेश्वरी मंदिर ले गरीब जनता ल चावल, सब्जी अऊ दाल के वितरण कर करे गिस। एखर बाद आम लोगन मन ल जागरूक करे बर राष्ट्रीय सुरक्षा रथ ल रवाना करे गिस। जेमा यातायात शाखा के कर्मचारी मन ह वाहन चालक मन ल यातायात नियम के जानकारी दे हे।
उहचे नवा बस स्टैंड म स्टाल लगा के इनरव्हील क्लब के महिला मन के संग यातायात विभाग के संयुक्त टीम ह वाहन चालक अऊ यात्री मन ल यातायात नियम के पालन करे के समझाईस दिस। संगेसंग दोपरिया वाहन म चालक मन के तरफ ले हेलमेट पहनने म वाहन चालक ल गुलाब फूल देके सम्मानित करे गिस।
ए कार्यक्रम म (jagdalpur) इनरव्हील के सदस्य चंदन बाला मोदी, पूर्णिमा सरोज, उन्नति मिश्रा, कोमल सेना अऊ शहर के सहयोगी नागरिक मनीष मूलचंदानी ह अपन बिसेस सहयोग दिस। उहचे ग्रामीण क्षेत्र म घलो लोगन मन ल जागरूक करे बर ग्राम केशलूर म यातायात स्टाफ ह पाम्पलेट वितरण कर यातायात नियम के प्रचार प्रसार करे हे।
उहचे कोतवाली चौक ले लगे स्टाल म आम जनता ल यातायात नियम के जानकारी देवत हुये कुल 74 लोगन मन ल मुफ्त हेल्पकार्ड बना के वितरण करे गिस। उहचे राष्ट्रीय सड़क सुरक्षा माह के तीसर दिन बुधवार के सुबह 11 बजे हेलमेट जागरूकता रैली यातायात प्रांगण ले निकाले जाही।
