जय जोहार। रायपुर (Raipur) जिला म मनखे मन के समस्या के निराकरण बर मार्च महीना ले ग्रामीण अउ नगरीय क्षेत्र म सिविर लगाए जाही। कलेक्टर डाॅ सर्वेश्वर भुरे ह सिविर बर विस्तृत काम योजना बनाय के निर्देस आज समय सीमा के साप्ताहिक बइठक म देहे । डाॅ. भुरे ह विभागीय अधिकारी ले ओखर विभाग म संचालित कल्याणकारी योजना के प्रगति के समीक्षा करीन ।
वोहा जिला म मुख्यमंत्री के भेंट मुलाकात कार्यक्रम के दउरान मिले आवेदन, मुख्यमंत्री के घोसना अउ जनसामान्य के मांग-सिकायत ले संबंधित बिसय म अधिकारी ले चर्चा कर जल्दीच ले जल्दीच निराकृत करे के निर्देस घलो देहे। बइठक म जिला पंचायत के मुख्य कार्यपालन अधिकारी आकाश छिकारा, अतिरिक्त कलेक्टर एन.आर.साहू, अपर कलेक्टर बी.बी.पंचभाई्र, गजेन्द्र ठाकुर अउ बी.सी.साहू, एस.डी.एम अउ विभागीय अधिकारी उपस्थित रिहीन ।
आज कलेक्टोरेट परिसर के रेडक्रास सभाकक्ष म आयोजित बइठक म कलेक्टर ह मार्च महीना ले जिला के ग्रामीण अउ सहरी इलाका म मनखे मन के समस्या केे निराकरण बर क्लस्टर स्तरीय सिविर लगाय के निर्देस देहे। 10 ले 12 ग्राम पंचायत ल मिलाके एक क्लस्टर बनही । अइसने नगर पंचायत अउ नगर निगम क्षेत्र म घलो सिविर आयोजित होही । ए सिविर म रासन कार्ड बनाय , आयुष्मान स्वास्थ्य कार्ड बनाय , श्रम कार्ड बनाय ले लेके मनखे मन के सबो समस्या के यथासंभव मउका म ही निराकरण करे जाही । ग्रामीण इलाकों म हाट बाजार के दिन या बुधवार अउ शु्क्रवार के सिविर लगही । नगर पंचायत म शनिवार के सिविर लगाए जाही।
No Comment! Be the first one.