जय जोहार. देश भर म लॉक डाउन हे अऊ भीड़ इकठ्ठा करे के मनाही हे ओखर बाद भी कुछ लोगन मन अपन जान के संगे संग दूसर के जान के संग खिलवाड़ करत नजर आत हे, बता दन कि छिंदवाड़ा के मस्जिद म चालीस झन इकठ्ठा होके नमाज पढ़त रिहिस जबकि साफ तौर म आदेश हे कि समूह बना के भीड़ इकठ्ठा नई करना हे अऊ घर म रह के नमाज अदा करना हे, लेकिन कुछ मन सरकार के आदेश के खुला उलंघन करत हे, जिला प्रशासन ह सब्बो चालीस झन के खिलाफ महामारी एक्ट के तहत मुकदमा दर्ज करही।
बार बार लोगन के तरफ ले तरह तरह के खबर आत हे जेमा ओमन कोरोना ले लड़ाई म अड़ंगा डालत हे अऊ स्वास्थय कर्मी मन संग बदसलूकी करत हे, अभी जब छत्तीसगढ़ कोरोना ले निपट ले रिहिस कि कटघोरा ले सात अऊ संक्रमित पाय गिस ये सबो झन तब्लीगी जमात के संक्रमित मन के संपर्क म आय रिहिस जेमा दू महिला घलो हे, सबो झन ल एम्स म इलाज बर लाय गे हे। बहरहाल, इलाज के समूचित व्यवस्था हे अऊ डॉक्टर के टीम लगातार काम करत हे।
