नवनीत शुक्ला, मुंगेली। नगर अउ नगर ले जुड़े ग्राम पंचायत मन म आवारा मवेसी मन के संख्या म हर दिन बढ़ोत्तरी देखे बर मिलत हे। अंधियार होत ही ये मवेसी मन सड़क किनारे झुण्ड बना के बइठ जाथे । जेखर कारण साइकल चलइया, मोटर सायकिल वाले मन ल भारी समस्या के सामना कर बर पड़थे आज जब लोरमी, कवर्धा, बिलासपुर, रायपुर हर तरफ के रोड़ मन सुघ्घर बन गे हे तेखर कारण हाईवा, कार, बस, ट्रक, आदि मन तेज गति ले गाडी चलाथे । अउ आये दिन ये बेजुबान मवेशी मन ओखर रफ्तार के कहर म शिकार होथे । आज हर गली, चउक- चउराहा, मेन रोड़ म आवारा मवेशी मन के कहर देखे बर मिलथे पर ये सब मामला म न तो नगर पालिका द्वारा अउ न ही पंचायत द्वारा कोई पहल देखे बर मिलत हे। कांजी हाउस के बारे म कुछ न कहे जाये वही अच्छा हे । काबर की वहां के व्यवस्था ह तव भगवान भरोसा हे। एक कोति जिहाँ सरकार अउ दूसर समाज सेवा संस्था द्वारा गौ रक्षा बर मुहीम चलाये जाथे । अउ इन बेजुबान जानवर मन बर सब चुप हो जाथे । लगत हे बिभाग द्वारा कुछु बड़े दुर्घटना के इंतिजार हे कि कब दुर्घटना होही अउ हम काम करबो ।
अब तव एहु मामला म हमर जिला के मुखिया ल धयान देहे बर लगही । जब ले मुखिया ह पदभार ग्रहण करे हे जिला के विभाग मन म सकरात्मक सन्देश जावत हे । अब देखना ये हे की का मुखिया ह बेजुबान जानवर मन भर भी कुछ पहल करहि की नई।
