cbse ह घोसित करिन दसवीं अऊ बारहवीं बोर्ड परीक्षा के तारीख
जय जोहार…. सीबीएसई (cbse) ह बारहवीं बोर्ड परीक्षा के संशोधित तारीख के ऐलान कर दे हे। ए परीक्षा ल कोरोना वायरस संक्रमण के सती बीच म टाल दे गे रहिस। अखिल भारतीय स्तर म ए परीक्षा के शुरुआत ह एक जुलाई ले होम साइंस के प्रश्नपत्र के संग होही। ऊहचे दसवीं बोर्ड परीक्षा घलो एक जुलाई ले शुरू होही। एखर पहिला पेपर ह सोशल साइंस के होही।
सीबीएसई (cbse) के ओर ले परीक्षा के नवा समय सारिणी ल परीक्षा नियंत्रक डॉ. सन्यम भारद्वाज ह जारी करे हे। बता देन कि एखर पहिली मानव संसाधन मंत्री रमेश पोखरियाल निशंक ह सनिच्चर के परीक्षा के समय सारिणी ल जारी करे के बात ट्वीट कर केहे रहिस, लेकिन सनिच्चर के एला कोनो सती जारी नई करे जा सके रहिस।
ऊहचे सीबीएसई (cbse) दसवीं बोर्ड के परीक्षा घलो एक जुलाई ले शुरू होही। एखर पहिला पेपर ह सोशल साइंस के होगी। ए परीक्षा ह 15 जुलाई के इंग्लिश कम्युनिकेशन अऊ इंग्लिश लैंग्वेज एण्ड लिटरेचर के संग समाप्त होही।
