chhattisgarh ल केन्द्र ह करीन सिरिफ 2.12 लाख मेट्रिक टन उर्वरक के आपूर्ति, कृषि मंत्री ह किहीन – छत्तीसगढ़ ल 4.36 लाख मेट्रिक टन खाद उपलब्ध कराय के बात ह असत्य अउ भ्रामक

जय जोहार । छत्तीसगढ़ (chhattisgarh) राज्य ल भारत सरकार डहार ले रबी सीजन 2021-22 बर अब तक सिरिफ 2 लाख 12 हजार 162 मेट्रिक टन रासायनिक उर्वरक के आपूर्ति ल करे गेहे, जेन भारत सरकार डहार ले छत्तीसगढ़ बर अक्टूबर ले फरवरी माह तक बर जारी सप्लाई प्लान के 52 प्रतिशत है। छत्तीसगढ़ राज्य ल भारत सरकार डहार ले रासायनिक उर्वरक के आबंटन ल स्वीकृत मात्र मात्रा अउ सप्लाई प्लान के अनुसार नई करे जावत हे।

कृषि अउ जल संसाधन मंत्री रविन्द्र चौबे ह बताइन कि छत्तीसगढ़ (chhattisgarh) सासन डहार ले भारत सरकार ले रबी बच्छर 2021-22 बर 7.50 लाख मेट्रिक टन रासायनिक उर्वरक के मांग करे रिहीन। किन्तु भारत सरकार डहार ले 4.11 लाख मेट्रिक टन उर्वरक छत्तीसगढ़ ल दे जाय के स्वीकृति दे गीस, जेन राज्य के मांग के मात्र 55 प्रतिशत हे । छत्तीसगढ़ राज्य डहार ले मांग करेगे उर्वरक की मात्रा म पहले ही भारत सरकार डहार ले 45 प्रतिशत के कमी कर दे गेहे । चालू रबी सीजन बर भारत सरकार डहार ले छत्तीसगढ़ ल स्वीकृत 4.11 लाख मेट्रिक टन रासायनिक उर्वरक म यूरिया 2 लाख मेट्रिक टन, डीएपी 60,000 मेट्रिक टन, एनपीके 50,000 मेट्रिक टन, एमओपी 26,000 मेट्रिक टन अउ एसएसपी 75,000 मेट्रिक टन सामिल हे ।

कृषि मंत्री श्री चौबे ने बताइन कि स्वीकृत मात्रा 4.11 लाख मेट्रिक टन के विरूद्ध भारत सरकार डहार ले छत्तीसगढ़ (chhattisgarh) राज्य ल अक्टूबर ले फरवरी तक 3 लाख 46 हजार 225 मेट्रिक टन उर्वरक के सप्लाई के प्लान ल जारी करे गेहे । सप्लाई प्लान के विरूद्ध छत्तीसगढ़ राज्य ल आज की स्थिति म मात्र 2 लाख 12 हजार 162 मेट्रिक टन रासायनिक उर्वरक के आपूर्ति ल करे गेहे। जेन छत्तीसगढ़ बर स्वीकृत मात्रा के सिरिफ 52 प्रतिशत हे। वो हा किहीन कि छत्तीसगढ़ राज्य ल कुल आवश्यकता के मुकाबला 4 लाख 36 हजार मेट्रिक टन रासायनिक उर्वरक ल भारत सरकार डहार ले उपलब्ध कराय जाय के बात असत्य अउ भ्रामक हे ।