chhattisgarh म चना के खेती के बाढ़त हे क्रेज, एक बच्छर म चना के रकबा म 52 हजार हेक्टेयर के होय हे रिकार्ड वृद्धि, पढ़व

जय जोहार । छत्तीसगढ़ (chhattisgarh) राज्य म चना के खेती ल लेके किसान मन म क्रेज बाढ़ गेहे। रबी सीजन 2021-22 म चना के रकबा म 52 हजार हेक्टेयर (लगभग एक लाख 30 हजार एकड़) ले जादा के बढ़ोत्तरी होय हे । एक बच्छर म चना के रकबा 3 लाख 63 हजार हेक्टेयर ले बाढ़के 4 लाख 15 हजार हेक्टेयर हो गेहे ।

छत्तीसगढ़ (chhattisgarh) म रबी बच्छर 2017-18 म चना के खेती 3 लाख 35 हजार हेक्टेयर म होत रिहीन, जेमा बच्छर दर बच्छर औसत रूप ले 10 हजार हेक्टेयर के बढ़ोत्तरी होइस हे अउ बीते रबी सीजन बच्छर 2020-21 म एखर खेती के रकबा 3 लाख 36 हजार हेक्टेयर तक पहुंचीन हे । ए बच्छर राज्य म किसान मन क चना के खेती म अच्छा रूचि दिखाईन हे, जेखर सेती एखर रकबा म 52 हजार हेक्टेयर के वृद्धि ह एक ठीन सुखद संकेत हे ।

कृषि मंत्री रविन्द्र चौबे ह किहीन कि छत्तीसगढ़ सरकार के किसान हितैषी नीति के सेती कृषि के क्षेत्र म तेजी ले बदलाव आय हे । किसान मन म खुसहाली बाढ़े हे । एखर सेती किसान ह अब दलहन, तिलहन, फल-फूल अउ सब्जी के खेती ल तेजी ले अपनाय ल लगीन हे ।