![chhattisgarh के सांस्कृतिक धरोहर ल सहेजे बर केंद्र अउ राज्य सरकार करही संयुक्त परयास gg 1 e1675344088230](https://jayjohar.com/wp-content/uploads/2023/02/gg-1-e1675344088230.jpg)
chhattisgarh के सांस्कृतिक धरोहर ल सहेजे बर केंद्र अउ राज्य सरकार करही संयुक्त परयास
जय जोहार। छत्तीसगढ़ के सांस्कृतिक विरासत अउ ऐतिहासिक धरोहर ल सहेजे, संरक्षण अउ संवर्धन बर संयुक्त रूप ले केन्द्र अउ राज्य सरकार ह मिलके काम करही। एखर बर आज मंत्री अमरजीत भगत के उपस्थिति म संचालनालय पुरातत्व, अभिलेखागार -संग्रहालय रायपुर अउ इंदिरा गांधी राष्ट्रीय कला केन्द्र नई दिल्ली के मध्य परस्पर समझौता ज्ञापन (एम.ओ.यू.) म हस्ताक्षर करे गीन।
ए समझौता म इंदिरा गांधी राष्ट्रीय कला केन्द्र डहार ले स्थानीय छात्र, पर्यटक, शोधार्थी अउ जनमानस ल ओखर पुरा-संस्कृति के वास्तविक पक्ष ले परिचित कराय बर विश्व अउ भारत के शैल कला के संग छत्तीसगढ़ के शैल कला म महन्त घासीदास स्मारक संग्रहालय रायपुर म अलग ले दीर्घा स्थापित करे जाही । संगेसंग दूनों संस्था के विभिन्न अकादमिक कार्यक्रम-परियोजना जइसे शोध प्रशिक्षण, डिजिटल संसाधनों के संकलन, सर्वेक्षण, अभिलेखीकरण अउ राज्य संरक्षित शैलाश्रय के संरक्षण-परिरक्षण काम म सहायक होही।
ए मउका म संस्कृति अउ पुरातत्व विभाग के संचालक विवेक आचार्य, उप संचालक डॉ. पी. सी. पारख, उत्खनन सहायक प्रवीण तिर्की, डॉ. राजीव मिंज अउ इंदिरा गांधी राष्ट्रीय कला केन्द्र ( आई.जी.एन.सी.ए.) नई दिल्ली ले शैलकला विभाग के विभागाध्यक्ष डॉ. रमाकर पंत, सहायक प्राध्यापक डॉ. दिलीप सन्त, परियोजना सहायक जाकिर खान अउ परियोजना सहयोगी प्रवीण सी.के. उपस्थित रिहीन।