जय जोहार। (Raipur) छत्तीसगढ़ के ठंडा क्षेत्र म स्ट्राबेरी के खेती लोकप्रिय होेवत हे। अपन लजीज स्वाद अउ मेडिसिनल वेल्यू के सेती ये बड़ अकन स्वाद के खाए जात हे । राज्य के जशपुर, अंबिकापुर, बलरामपुर क्षेत्र में कई झनकिसान ह एखर खेती ल करत हे । स्ट्राबेरी के मांग के सेती ये स्थानीय स्तर म ही एखर खपत होवत हे ।एखर खेती ले मिलइया लाभ के सेती सरलग किसान ह आकर्षित होवत हे ।
एक एकड़ खेत म एखर खेती ले 4 ले 5 लाख के आमदनी ले जा सकत हे। जशपुर जिला म 25 झन किसान ह 6 एकड़ म स्ट्राबेरी के खेती करे हे । जशपुर म विंटर डान प्रजाति के स्ट्राबेरी के पौधा लगाए गेहे । ए किसान मन ह उद्यानिकी विभाग की योजना राष्ट्रीय बागवानी मिशन के तहत तकनीकी मार्गदर्शन अउ अन्य सहायता मिलत है । किसान मन ह किहीन कि छत्तीसगढ़ म होवइया स्ट्राबेरी के गुणवत्ता अच्छा हे अउ स्थानीय स्तर म उत्पादन होय के सेती व्यापारी ल ताजा फल मिलत हे । जेखर सेती ओमन ल अच्छा प्रतिसाद मिलत हे।
जशपुर म जलवायु के अनूकूलता ल देखत हुए 25 किसान मन ह 6 एकड़ म स्ट्राबेरी के फसल ले हे । ए किसान मन ह अक्टूबर म स्ट्राबेरी के पौधा रोपीन अउ दिंसबर म पौधा ले फल आना सुरू होगे। फल आत ही किसान मन ह हरितक्राति आदिवासी सहकारी समिति के माध्यम ले या स्वयं अच्छा पैकेजिंग करीन । पैकेजिंग के संग कुछु बेरा म प्रतिसाद मिलना सुरू होगे । जशपुर म 25 किसान मन ह दो-दो हजार पौधा लगाए हे । एखर ले हरेक किसान ल अब तक करीब 40 ले 70 हजार रुपिया के आमदनी होगे हे ।
No Comment! Be the first one.