छग सरकार हो गे हे दिवालिया : बृजमोहन अग्रवाल

कांग्रेस सरकार के नक्सली मन ले सांठगांठ, जांच करे के चुनाव आयोग ले करिन मांग
रायपुर. छत्तीसगढ़ के कांग्रेस सरकार नक्सली मन के बिना शर्तवार्ता करे ल तइयार हे. जेमा  भाजपा ह कांग्रेस सरकार उपर सवाल खड़ा करत हे. नक्सली मन के सांठगांठ के ओर इशारा करे के आरोप लगाय हे. भाजपा ह चुनाव आयोग ले मांग करिस हे के कांग्रेस सरकार के चुनाव म नक्सली मन ले सांठगांठ के जांच करे जाय. सरकार चुनाव के दउरान सुरक्षा म लापरवाही बरत हवय.

भाजपा के पूर्व मंत्री बृजमोहन अग्रवाल ह भाजपा कार्यालय एकात्म परिसर म प्रेस कांफ्रेंस करत हुए कहिन के, छत्तीसगढ़ सरकार दिवालिया होगे हे. सरकार ह 20 हजार करोड़ के कर्ज लेय ले राज्य भर म विकास कार्य पूरी तरहठप होगे हे

.उहें नक्सली नेता नक्का राव के जमानत म भाजपा ह सवाल उठात हुए कहिस के, राज्य सरकार देश के सुरक्षा ल ले के गंभीर नईए. पुलिस नक्सली नेता के गिरफ्तारी के बाद चालान पेश नई कर पात हे. अउ विशेष न्यायालय ह जमानत देदिस. सरकार के नक्सली मन ले बातचीत करे के बात कहना चुनावी सांठगांठ के ओर इशारा करत हे.