Raipur : योग आयोग के अध्यक्ष ह स्कूली लईका मन ल योग ल अपनाय बर करीन प्रेरित

जय जोहार । (Raipur) छत्तीसगढ़ योग आयोग ह स्वस्थ जीवन शैली बर योग ल दैनिक जीवन म अपनाय बार प्रदेश वासी मन ल सरलग प्रेरित करत हे । एखर बर मुफत योगाभ्यास शिविर चलाय के संग कई ठीन कार्यक्रम के माध्यम ले मनखे मन ल योग के फायदा समझाए जावत हे ।

योग आयोग के अध्यक्ष ज्ञानेश शर्मा ह कई ठीन कार्यकम के माध्यम ले मनखे मन ल जागरूक करत हे। वोहा शासकीय उच्चतर माध्यमिक शाला (उमेश पाण्डेय)डंगनिया पहुंचीन अउ बिहनिया स्कूली लईका मन के संग योगाभ्यास म शामिल होइन। ए दउरान योग आयोग के अध्यक्ष ज्ञानेश शर्मा, प्राचार्या अलका त्रिवेदी,मास्टर ट्रेनर सत्यभामा शर्मा समेत शिक्षक,शिक्षिका अउ बड़का संख्या में विद्यार्थी उपस्थित रिहीन ।