गर्मी ले मिल सकत हे राहत, छत्तीसगढ़ म बारिश होय के संभावना

जय जोहार…. छत्तीसगढ़ म गर्मी के बीच गुरुवार शाम अऊ शुक्रवार के एक-दू स्थान म बारिश होय के संभावना ल मौसम विभाग ह जताय हे। एखर संग गरज-चमक के संग तेज हवा घलो चल सकथे।

मौसम वैज्ञानिक के मुताबिक एक द्रोणिका ह पंजाब ले उत्तर छत्तीसगढ़ तक स्थित हे, दूसर द्रोणिका ह विदर्भ ले तमिलनाडु तक स्थित हे। ए दुनो मौसमी तंत्र के प्रभाव ले आज उत्तर अऊ दक्षिण छत्तीसगढ़ म एक-दू स्थान म हल्की बारिश हो सकथे। एक अऊ दू स्थान म आंधी तूफान घलो चल सकथे।

ऊहचे 29 मई के घलो छत्तीसगढ़ के एक-दू स्थान म हल्की बारिश के संभावना हे। राज्य म तापमान म मामूली गिरावट के संग विशेष परिवर्तन होय के संभावना नई हे।