Weather: छत्तीसगढ़ के कई जिला म हो सकत हे बारिश, पढो पूरा खबर

जय जोहार…. छत्तीसगढ़ के मौसम (Weather) ह एक बार फेर बदलइया हे। अवइया कुछु घंटा म प्रदेश के कई जगह म बारिश होय के संभवना जताय गे हे। मौसम (Weather) विभाग के मुताबिक एक या दू स्थान म हल्की या मध्यम बारिश हो सकत हे। उहचे एक या दू जगह म गरज-चमक के संग आकाशीय बिजली घलो गिर सकत हे।

मौसम (Weather) वैज्ञानिक एचपी चंद्रा के अनुसार अवइया कुछु घंटा म प्रदेश के महासमुंद, बलौदाबाजार, गरियाबंद, जांजगीर, बिलासपुर, बेमेतरा, कबीरधाम, धमतरी, नारायणपुर, बीजापुर, दंतेवाड़ा, बस्तर, सुकमा एवं कोंडागांव के एक या दू स्थान म हल्की या मध्यम बारिश होय के संभावना हे।

एक या दू स्थान म गरज-चमक के संग आकाशीय बिजली गिरे के घलो संभावना जताय गे हे।