Weather : छत्तीसगढ़ के कई ठीन जिला म आज बरसा के संभावना, एक ले दू जिला म गिर सकत हे ओला, पढ़व
जय जोहार…. (Weather) प्रदेस के कई ठीन जिला म आज मौसम ह फेर बिगड़इया हे। ए दौरान कई ठीन जिला म बरसा हो सकत हे। प्रदेश के एक ले दू स्थान म ओला गिरे अउ आकाशीय बिजली गिरे के घलो सम्भावना हे।
मौसम (Weather) विभाग ले जानकारी के अनुसार प्रदेस म बंगाल के खाड़ी ले नमी अउ गर्म हवा के आगमन ह सरलग जारी हे। एक ठीन द्रोणिका ह दक्षिण अंदरूनी कर्नाटक के दक्षिण छत्तीसगढ़ तक स्थित हे। प्रदेस के कुछु स्थान म हल्का ले मध्यम बरसा अउ गरज-चमक के संग छीटा पड़े के सम्भावना है। प्रदेस म एक ले दू स्थान म गरज चमक के संग ओला गिरे अउ आकाशीय बिजली गिरे के घलो सम्भावना हे । बरसा ह दक्षिण छत्तीसगढ़ म होय के सम्भावना हे।
(Weather) संगेसंग प्रदेस के उत्तरी भाग म एक दो स्थान म हल्का बरसा होय अथवा गरज चमक के संग छीटा पड़ सकत है। प्रदेस के उत्तरी भाग म अधिकतम तापमान म वृद्धि के सम्भावना हे, जबकि दूसर भाग म विशेष परिवर्तन होय के सम्भावना नई हे ।
