Weather: रायपुर म बदल गे मौसम, बिहनिया ले होवत हे बरसात, पढ़व

जय जोहार…. (Weather) राजधानी रायपुर म रविवार बिहनिया ले मौसम बदल गे हे। इहां रूक-रूक के बारिश होवत हे। उहचे प्रदेश के अलग-अलग जिला म घलो बारिश होवत हे। एखर सेती मानसून जईसे हालात नजर आवत हे।

मौसम विभाग के अनुसार (Weather) छत्तीसगढ़ के आसपास के राज्य म चक्रीय चक्रवाती घेरा ह बने हे। जेखर सेती बारिश होवत हे। ये स्थिति सोमवार के घलो बने रह सकथे। ओखर बाद मंगलवार ले तामपान म बढ़ोतरी होय के संभावना हे।

मौसम विभाग के मुताबिक (Weather) छत्तीसगढ़ के जिला कोरबा, बालोद, राजनांदगांव, बेमेतरा, दुर्ग, कबीरधाम, बलौदाबाजार, जांजगीर – चांपा, मुंगेली, रायपुर, बिलासपुर म कुछु जगह म तेज हवा के संग बारिश होय के संभावना हे। उहचे कुछु जगह म गरज अउ चमक के संग बारिस हो सकत हे।