जय जोहार। (Raipur) वर्तमान खरीफ मार्केटिंग सीजन म सेंट्रल पूल म सबले जादा धान जमा करइया छत्तीसगढ़ देस के दूसरइया सबले बड़े राज्य बन गेहे। मुख्यमंत्री भूपेश बघेल ह एक ठीन बड़े उपलब्धि बताते हुए किहीन कि सरलग 4 बछर ले छत्तीसगढ़ कृषि क्षेत्र म सरलग नवा-नवा कीर्तिमान रचत हे । ये किसान मन के मेहनत अउ खेती म लौटे ओखर भरोसा के ही परिणाम हे। मुख्यमंत्री भूपेश बघेल ह किसान मन ल बधाई देत हुए किहीन कि पुराना रिकॉर्ड टूटे के बाद ये एक ठीन अउ बड़े उपलब्धि हे ।
मुख्यमंत्री श्री बघेल ह किहीन कि ए बछर राज्य म धान खरीदी के घलो नवा रिकार्ड कायम होवत हे । काली संझा तक 103 लाख मीट्रिक टन धान के खरीदी करे जा चुके हे। उम्मीद हे कि निर्धारित अंतिम तिथि 31 जनवरी तक हमन ह 110 लाख मीट्रिक टन के अनुमानित आंकड़ा ल घलो पार कर जाही।
भारत सरकार डहार ले 15 जनवरी के जारी रिपोर्ट के अनुसार छत्तीसगढ़ केंद्रीय पुल म 92 लाख मीट्रिक टन धान के योगदान दे चुके रिहीन। ए सीजन म सेबल जादा धान जमा करइया दूसरइया प्रदेस बन चुके हे। छत्तीसगढ़ सरकार के किसान हितैषी नीति के सेती खेती-किसानी अउ किसान मन के जिनगी म सुखद बदलाव आए हे ।
Other Articles
chhattisgarh मदरसा बोर्ड के परीक्षा 25 अप्रैल ले होही सुरू
No Comment! Be the first one.