जय जोहार। (Raipur) सीएम भूपेश बघेल ह आज पूर्व केन्द्रीय मंत्री शैलजा कुमारी के संग राजधानी रायपुर के सेरीखेड़ी म कल्पतरु रूरल इंडस्ट्रियल पार्क पहुंचीन । वोहा उंहा महिला समूह डहार ले संचालित बेकरी यूनिट, सिलाई यूनिट, नर्सरी, सीएमटीसी, सोलर ड्रायर, सोलर कोल्ड स्टोरेज, हर्बल गुलाल, चाक, फिनायल, सोप अउ मिक्सचर यूनिट के अवलोकन करीन।
मुख्यमंत्री श्री बघेल ह उंहा कार्यरत स्व-सहायता समूह के महिला मन ले चर्चा करके ओखर जिनगी म आए परिवर्तन के जानकारी लीन। वोहा महिला मन के आग्रह म ओखर संग सेल्फी घलो लीन। नगरीय प्रशासन अउ विकास मंत्री डॉ. शिव कुमार डहरिया ह घलो ए अवसर म उपस्थित रिहीन ।
मुख्यमंत्री ल बेकरी यूनिट म काम करत महिला मन ह बताइन कि ओखर समूह कोदो, कुटकी अउ रागी ले बिस्कुट अउ कुकीज बनाय के काम करत हे। मुख्यमंत्री श्री बघेल अउ सुश्री शैलजा कुमारी ह कोदो ले बने बिस्कुट के स्वाद चखीन अउ कुकीज के स्वाद के सराहना करीन । वोहा महिला मन के आजीविका मूलक काम के सराहना करत हुए ओमन ल बधाई घलो दीन ।
No Comment! Be the first one.