मंत्री के प्रयास ले शिर्डी म बन सकथे छत्तीसगढ़ भवन, भक्त मन ल होही सुविधा

जय जोहार रायपुर..जी हाँ धार्मिक नगरी शिर्डी म घलो छत्तीसगढ़ के भवन बनही अइसे खबर आत हे, हमर पर्यटन मंत्री ताम्रध्वज साहू ह एखर बर विचार करिस अऊ शिर्डी गे हे उन्हा दर्शन करके जिला प्रशासन ले बात करही.

काबर कि इन्हा ले शिर्डी जाय वाला भक्त मन के संख्या बहुत हे ओमन ल रुके अऊ खाय पिए म खर्चा जादा होथे तेखर सेती हमर पर्यटन मंत्री ह ये पहल करे हे, छत्तीसगढ़ भवन शिर्डी म बन जाहि त काफी सुविधा होही हमार जनता ल.

अइसे तो दिल्ली अऊ पुरी म घलो छत्तीसगढ़ भवन हावे, शिर्डी म अपन राज्य के भवन बन जाहि त एक कड़ी अऊ जुड़ जाहि.