chhattisgarh भाजपा किसान मोर्चा के होइन बइठक, प्रदेस अध्यक्ष ह करीन नवा पदाधिकारी मन के गमछा पहनाके स्वागत
जय जोहार। भारतीय जनता पार्टी किसान मोर्चा छत्तीसगढ़ के प्रदेस पदाधिकारी मन के शुक्रवार के परिचयात्मक बैठक कुशाभाऊ ठाकरे परिसर रायपुर म होइन हे। एमा प्रदेस भर ले आए पदाधिकारी जुटीन हे। ए बइठक के सुरूवात दीप प्रज्वलन ले होइन। ए अवसर म प्रदेस अध्यक्ष पवन साहू ह सभी नवनियुक्त पदाधिकारी मन के गमछा पहनाके स्वागत करीन।
वोहा किहीन कि भारतीय जनता पार्टी ह कार्यकर्ता मन के सम्मान करइया पार्टी हे। वोहा पदाधिकारी मन ल नवा दायित्व बर सुभकामना दीन। वोहा किहीन किअब हमन सबो झन ल जी-जान ले भाजपा सरकार लाय बर जुटना हे। चुनाव म जादा बेरा नई बचे हावय, एखर सेती अपन सबो दुसरइया काम ल छोड़के पार्टी के काम करना हे । किसान मन के समस्याओं ल हल करे बर रद्दा के लड़ाई लड़ना हे ।
बइठक म मोर्चा के राष्ट्रीय मंत्री श्रीमती पिंकी शिवराज शाह विसेस रूप ले उपस्थितरिहीन । संगेसंग जैविक खेती के प्रदेस संयोजक द्वारिकेश पांडेय, उपाध्यक्ष गौरीशंकर श्रीवास, आलोक ठाकुर, कुलकित चंद्रा, बृजलाल राठौर, टीकाराम पटेल, महामंत्री द्वय कोमल सिंह राजपूत, ओम प्रकाश चंद्रवंशी, मंत्री अनिल अग्रवाल, राकेश शर्मा, अजय साहू, इंदु पनेरिया, वेदराम मनहरे, खिलावन बबलू शर्मा, कोषाध्यक्ष प्रीतम सिंह गबेल, कार्यालय प्रभारी रवीश गुप्ता, सह प्रभारी गोपाल सिन्हा, विलास सुतार, मीडिया प्रभारी निश्चय वाजपेयी उपस्थित रिहीन । बइठक के संचालन ल ओम प्रकाश चंद्रवंशी ह करीन । ये जानकारी ल मीडिया सहप्रभारी कमलेश राजपूत ह दीन ।
