Cartoon Festival: बंगलोर म लगीन हे केरिकेचर प्रदर्सनी म सबले पहला छत्तीसगढ़ के मुख्यमंत्री भूपेश बघेल ल दे गेहे स्थान
जय जोहार…. कार्टून फ़ेस्टिवल (Cartoon Festival:) के दउरान बंगलोर म लगीन प्रदर्सनी म सबले पहला छत्तीसगढ़ के मुख्यमंत्री भूपेश बघेल ल स्थान दे गेहे। ये प्रदर्सनी 21 दिन तक चलही ।
गैलरी के संचालक वी जी नरेंद्रा ह बताइन कि ये कार्टून महोत्सव छत्तीसगढ़ ले प्रकासित होवइया कार्टून पत्रिका के सहयोग ले होवत हे. हमन ह प्रदेस के मुख़िया ले ये सम्मान प्रदान करे हन। ए केरिकेचर ल ननजुंदा स्वामी ह बनाय हे।
श्री नरेंद्रा ह बताइन कि ए (Cartoon Festival:) गैलरी म अब तक 175 ले जादा प्रदर्सनी लग चुके हे, लेकिन ये पहला घांव हे, जब हमन ह तीन फ़ीट बाय दो फ़ीट के कार्टून लगाय हन अउ ये घलो पहला घांव हे कि हमन ह कोनो प्रदेस के मुख्यमंत्री ल विसेस रूप से उल्लेखित करे हन।
वो हा किहीन कि कार्टून वॉच पत्रिका ह सरलग 25 बच्छर प्रकासित होय अउ देस के एकमात्र पत्रिका होय के सेती आज छत्तीसगढ़ कार्टून कला के राजधानी बन गेहे। (Cartoon Festival:) अइसे म ए प्रदेस के सम्मान त होना ही चाही। ए प्रदर्सनी म डॉक्टर ए पी जे अब्दुल कलाम अउ बाला साहेब ठाकरे के केरिकेचर घलो लगे हे।
