Chhattisgarh: सीएम ह काली कृषि महाविद्यालय अऊ विज्ञान केंद्र म विकास कार्य के करही भूमिपूजन अऊ लोकार्पण, पढो पूरा खबर
जय जोहार…. (Chhattisgarh) सीएम भूपेश बघेल ह काली बुधवार के अपन निवास कार्यालय म आयोजित कार्यक्रम म खाद्य प्रौद्योगिकी महाविद्यालय रायपुर समेत 5 उद्यानिकी महाविद्यालय साजा, अर्जुंदा, धमतरी, जशपुर, लोरमी अऊ नवा कषि विज्ञान केंद्र कोण्डागांव के ई सुभारंभ करही।
संगेसंग प्रदेश (Chhattisgarh) के कृषि महाविद्यालय, कृषि विज्ञान केंद्र अऊ नवा कृषि महाविद्यालय म 109 करोड़ 77 लाख रुपया के लागत के अधोसंरचना, विकास कार्य के लोकार्पण अऊ भूमिपूजन करही। एमा 46 करोड़ 67 लाख रुपया के लागत के कार्य के लोकार्पण अऊ 63 करोड़ 10 लाख रुपया के लागत के कार्य के भूमिपूजन सामिल हे।
(Chhattisgarh) सीएम बघेल ह रायपुर म आयोजित जेन कार्य के ई लोकार्पण करही, ओमा 9.81 करोड़ रुपया के लागत ले कृषि महाविद्यालय अऊ अनुसंधान केंद्र बेमेतरा के महाविद्यालय भवन अऊ छात्रावास भवन, 9.81 करो़ड़ के लागत ले कृषि महाविद्यालय अऊ अनुसंधान केंद्र राजनांदगांव म महाविद्यालय भवन अऊ छात्रावास के संग 12.75 करोड़ रुपया के लागत ले निर्मित उद्यानिकी महाविद्यालय अऊ अनुसरंधान केंद्र राजनांदगांव म महाविद्यालय भवन अऊ छात्रावास भवन सामिल हे।
