छत्तीसगढ़ी फिल्म ‘स्पिलिटिंग सोल्डर्स’ कॉन्स फिल्म फेस्टिवल म … मुख्यमंत्री दीस बधाई अऊ सुभकामना

रायपुर । मुख्यमंत्री डॉ. रमन सिंह ह छत्तीसगढ़ी भाखा म बने 15 मिनट के छोटे फिल्म ‘स्पिलिटिंग सोल्डर्स’ के चयन यूरोपीय देश फ्रांस के प्रतिष्ठित कॉन्स फिल्म फेस्टिवल बर होए म फिल्म के लेखक, निदेसक, बनइया अऊ कलाकार मन ल बधाई अऊ सुभकामना दीन। भिलाई शहर के निवासी ए फिल्म के लेखक, निदेसक अऊ बनइया रूपेस कुमार प्रसाद अऊ फरहाज खान ह मुख्यमंत्री डॉ. सिंह ले आज इहां ऊंखर निवास कार्यालय म सौजन्य मुलाकात करके ओ मन ल अपन ए सफलता के जानकारी दीन। उमन मुख्यमंत्री ल बताइन कि ए महिना के 08 ले 18 तक आयोजित कॉन्स फिल्म महोत्सव के समय ए फिल्म के प्रदर्सन करे जाही। ए अवसर म फिल्म कलाकार अविनास बावनकर संग अब्हुबड़ अकन कलाकार उपस्थित रहिन।