Chhattisgarh: सबले जादा ओडीएफ प्लस गांव बर छत्तीसगढ़ ल मिलिस दूसर पुरस्कार
जय जोहार…. केंद्रीय जल शक्ति मंत्रालय के गंदगीमुक्त भारत अभियान के अंतर्गत छत्तीसगढ़ (Chhattisgarh) ल सबले जादा ओडीएफ प्लस गांव बर दूसर पुरस्कार मिले हे। केन्द्रीय जल शक्ति मंत्री गजेंद्र सिंह शेखावत ह आज राष्ट्रपिता महात्मा गांधी के जयंती के अवसर म आयोजित आनलाइन समारोह म छत्तीसगढ़ ल ये पुरस्कार प्रदान करिन।
ए मउका म जल शक्ति राज्य मंत्री रतनलाल कटारिया घलो मौजूद रिहिन। पंचायत अऊ ग्रामीण विकास मंत्री टीएस सिंहदेव, (Chhattisgarh) विभागीय प्रमुख गौरव द्विवेदी अऊ स्वच्छ भारत मिशन (ग्रामीण) के संचालक धर्मेश साहू ह वीडियो कांफ्रेंस ले पुरस्कार समारोह म शामिल होय हे।
(Chhattisgarh) पंचायत अऊ ग्रामीण विकास मंत्री टीएस सिंहदेव ह ए उपलब्धि बर स्वच्छ भारत मिशन (ग्रामीण) के राज्य, जिला , विकासखंड अऊ ग्राम पंचायत के पूरा टीम ल बधाई दे हे। मंत्री सिंहदेव ह ओडीएफ प्लस गांव के पंचायत प्रतिनिधि अऊ ग्रामीण मन के जागरूकता के सराहना करत हुए आघू घलो गांव ल स्वस्छ अऊ सुंदर बनाय रखे बर सक्रिय अऊ जागरूक रहे ल कहे हे।
