chhattisgarh ल मिले हे एक ठीन अउ राष्ट्रीय पुरस्कार, मुख्यमंत्री अउ कृषि मंत्री ह दीन बधाई

जय जोहार। (chhattisgarh) छत्तीसगढ़ ल एक ठीन अउ राष्ट्रीय पुरस्कार मिलही । देस म मत्स्यपालन के क्षेत्र म छत्तीसगढ़ ल बेस्ट इनलैण्ड स्टेट पुरस्कार बर चुने गेहे। ये पुरस्कार केन्द्र शासित प्रदेस दमन म 21 नवम्बर के दे जाही ।

मुख्यमंत्री भूपेश बघेल अउ कृषि मंत्री रविन्द्र चौबे ह मत्स्यपालन विभाग के सबो अधिकारी-कर्मचारी ल ए उपलब्धि बर बधाई अउ सुभकामना दीन हे । मत्स्य पालन विभाग ले मिले जानकारी के अनुसार ये पुरस्कार विश्व मत्स्य दिवस के अवसर म राष्ट्रीय मात्स्यिकी विकास बोर्ड डहार ले दे जात हे । केन्द्र शासित प्रदेस दमन म आयोजित समारोह म केंद्रीय मत्सपालन, पशुपालन अउ डेयरी मंत्री पुरूषोत्तम रूपाला अउ राज्य मंत्री संजीव कुमार बाल्यान समेत दूसर अतिथि सामिल होही ।